唐詩詠豁出去 床戰黃浩然
唐詩詠於新劇性感底線大解放，與黃浩然拍床戲。她坦言拍攝時只於重要部位黐膠紙，更會大露背，可算歷來銀幕最性感的一次。詩詠坦言有不少追求者，但不心急拍拖，期待Mr.Right出現。
一向走乖乖女路線的唐詩詠，於新劇《拳王》飾演黃浩然女友，二人經歷拍拖、結婚、生BB階段。她坦言以前都是演小師妹、妹妹角色較多，今次可由少女演到熟女，開心過足戲癮。她說：「呢個角色同之前啲o靚妹角色唔同，之前做o靚妹因為自己真係仲o靚妹，呢兩年自己成熟好多，變相演繹上會多啲層次。拍呢套劇嗰時，情緒起伏都算大。」
拒行泳衣騷
首次拍床上戲的詩詠更豁出去，裸背上陣肉搏黃浩然，她指今次是性感極限。詩詠謂：「嗰場戲係最後一場戲，之前導演同我講要唔着衫，我以為佢講笑，點知拍時先知係真，只喺重要部位黐膠紙，第一次咁裸露。」她表示若然行泳衣騷一定拒絕，但若劇情需要就可接受。
問到會否做未婚媽媽？詩詠坦言：「其實依家呢個年代係咪真係要有張婚紙先生BB呢？張婚紙對我嚟講唔重要，反而係兩個人係唔係真係可以一路行落去，呢個先係最重要。」
詩詠又稱現時感情一片空白，緣分到便會自然來。現時有不少追求者，但沒有一個適合自己。詩詠說：「以前細個，個腦一片空白咁去認識人。依家兩個人啱唔啱，傾傾吓偈就知道。我真係想搵到一個適合自己的Mr.Right。不過隨緣啦，我唔心急。」
文：影視組
攝：沈健程