鄭融敬老專家 唔敢氹細路
鄭融日前探訪癌病兒童，自言鍾意小朋友的她，生怕在遊戲中令病童受傷，故不敢和小朋友有太大互動，又說積極行善，全因受當義工的母親影響。她以專家口脗說：「我最叻同老人家溝通，得長者歡心嘅竅門係多聆聽，多讚賞。」
日前鄭融、鄭欣宜及張繼聰到沙田圍的「麥當勞叔叔之家」拍攝宣傳短片，並探訪住院的癌病兒童，當三位歌手和一眾年約3至11歲的病童玩遊戲時，一向活潑的鄭融突然「文靜」，期間更向工作人員求助：「我唔知點搞呀？」反觀已為人父的阿聰最受歡迎，病童看見他手臂的紋身時大感好奇，不停用力捽，試圖捽掉紋身圖案，又有小朋友為他按摩，至於欣宜則有男童請食玩具麵。
受母親薰陶
問鄭融是否不懂和小朋友相處？她滿有苦衷的說：「唔係，我好鍾意小朋友，平時同佢哋會玩得好癲，不過因為呢度啲小朋友好細個，有啲又有病，如果有乜嘢會好麻煩，所以先唔敢亂掂佢哋。」
她又說愛參與慈善活動，全因受到媽咪自小薰陶，因鄭母是義工，常常帶她到老人院探訪。問她和長者溝通可有竅門？鄭融透露：「其實老人家好易氹，只要肯聽佢哋講嘢，讚吓佢哋，佢哋會立即『醒』晒。」
欣宜坦言看見病童及其家屬，令她憶起因癌病逝世的媽媽沈殿霞，讚院舍和醫院鄰近，除方便病者進行急救外，亦可減輕家屬的心理壓力。
夫妻檔探訪
至於阿聰則說曾和太太謝安琪多次私下到院舍探訪，故院友才表現得特別熱情，他又說：「我曾經叫髮型師幫院友剪頭髮，又搵魔術師朋友嚟娛樂大家，希望我可以起帶頭作用，帶更多朋友同藝人嚟為院友加油。」
文：音樂組