羅仲謙杜拜被仔摸pat
羅仲謙、梁雨恩和何詠雯昨日分別為無綫節目《非常‧杜拜》及《享樂吧！毛里裘斯》宣傳，羅仲謙更大爆在杜拜被人非禮：「嗰次喺博物館，有個當地男人刻意走埋嚟撞我、摸我pat pat，之後仲對我笑，我心諗好嘢喎你仲笑，咁我就算啦。」其後他說自己多同志粉絲，問他點諗？他說：「作為一個藝人多人鍾意梗係開心啦，證明自己有存在價值嘛。」
謙仔又指在杜拜時很「大方地」讓了梁雨恩玩萬呎高空跳傘，他說：「我都想玩o架，但屋企人唔畀，怕危險。（緋聞女友楊怡唔准玩？）係屋企人唔准。」問到楊怡是否已昇華地位至屋企人時，謙仔即尷尬避談說：「我爸爸由細到大都係我屋企人啦。」