趙哲妤趁盛女熱教儀態
中國小姐趙哲妤（Uny）與《盛女愛作戰》形象指導Angel及「Laughing女」王璐瑤昨日為稍後食住《盛女》熱開班授課，拍攝宣傳照，Uny說：「我會教儀態，有6位數收入，好搵過出寫真。（唔驚似Santino咁被踩扮專家？）唔驚，我選中國小姐攞過儀態獎，我教嘅唔係自創，而係睇番嚟嘅專業嘢。」
Angel則表示亮相《盛女》節目後生意急增，她說：「圈內外都多咗人搵我做形象，要多謝無綫！妝扮整齊其實係基本禮貌，我好開心Bonnie同Florence都有改變。（《盛女》做媒？）真的假不了！開part 2我都想幫手。」
王璐瑤則表示將減肥拍攝寫真：「想走Rock路線，去廢車場取景，性感冇底線，係咪露點，睇攝影師意向，內容倒吊、SM都得，但要藝術，唔要低俗。」
此外，Uny前晚出席活動時表示：「因為我識得Santino，唔可以踩咁盡，佢冇追過我，我哋只係普通朋友，如果唔識佢，我會話唔太認同佢嘅45度理論。」