姚樂怡老公受虐生搣腋毛

未註冊先擺酒的姚樂怡與吳俊匡，昨日在Ritz Carlton酒店筵開三十席宴請親朋，穿起性感Deep V露膊裝婚紗、露出事業線的姚樂怡佩戴五百多萬元贊助鑽飾，以及老公送贈的卡半求婚戒指亮相，二人互咀又合巹交杯，場面溫馨。姚樂怡透露廿九日會再舉行百圍盤菜宴，稍後應該會到拉斯維加斯註冊。

昨日姊妹團陣容有「姊妹五寶」之稱的梁靖琪、周家蔚、鍾麗淇、湯盈盈和佘詩曼，以及張文慈、關寶慧等人均低胸出席。

姚樂怡戴上卡半求婚戒指。	姚樂怡昨日與圈外男友吳俊匡舉行婚禮。	湯盈盈用牛皮膠紙貼在新郎腋下，監生脫毛。

惡啃「百味酒」

昨午接新娘期間，湯盈盈相當「狼胎」，先將牛皮膠紙貼在Alan腋下，並大力一扯為他「脫毛」，再將該「毛皮膠紙」為Alan貼嘴，情況慘不忍睹。其後又將一批姚樂怡的照片貼在天花要Alan凌空獻吻，又要與曾志偉相片「脷疊脷」。

姊妹團收大疊開門利是仍嫌少。

佘詩曼抽空為好友姚樂怡做姊妹。

Alan直言受盡虐待：「仲好辛苦呀，我仲要飲一杯甜、酸、苦、辣，有wasabi、酒和香蕉嘅嘢呀。」問到姚樂怡會否感心痛？她說：「OK啦，咁先懂得珍惜，我唔係咁易娶到o架！（生育計劃？）我隨時有都得o架嘞。（有咗？）我都想，怕有咗忍唔住未夠三個月就同大家報喜！」

姊妹團遊台灣

姚樂怡被問到會否擔心婚宴上老公再受糟質？她說：「所以要盡快隊醉湯盈盈，咁就冇事。（叫錢嘉樂嚟？）有請但佢開工，冇咗佢真係擔心啲，佢有嚟盈盈可能冇咁癲，會淑女啲。」

姚樂怡自爆早前與姊妹團到了台灣玩，問到有否到牛郎店？她說：「冇，阿佘咁多人認得。」姚樂怡表示與丈夫拍拖多年已有共識，最重要懂得包容對方缺點和欣賞對方優點。

文：影視組