糖兄妹做好音樂 擱置愛情
糖兄妹為了即將舉行的音樂會「開Turbo」。糖妹揚言連男友都放埋一邊。而糖兄亦表示連婚事亦交由未來太太負責，一心一意做好演唱會。
樂壇二人組合糖兄妹，憑着「糖妹」一張娃娃臉和「糖兄」的音樂才華，迅即為人所認識。有指樂壇二人組合寥寥無幾，令他們一枝獨秀，糖兄說：「其實市場上都有好多組合係兩、三個人，只不過係無人去認識佢哋。我絕對希望可以大家一齊玩，最想係大家一齊搞個音樂會，將成員混合一齊玩歌Jam歌，咁成件事好有意義。」對於有指創作歌手在資金不足下，很難在香港樂壇立足，糖妹說：「都係o架，我哋都算好好彩有公司支持。同埋依家好多商場都好支持獨立歌手和組合去表演，多咗渠道畀音樂之士。」
婚禮太太話事
幸好糖兄妹才華得到外間認同，獲廣告商垂青接拍了薄荷糖廣告，並獲邀舉行「糖兄妹Walk n' Wow」音樂會，糖妹開心的說：「今次好興奮，網上換飛情況好熱烈好快爆滿。」她透露今次會把六種不同風格的歌曲搬上舞台，令觀眾有耳目一新的感覺。」雖然糖兄要籌備明年的婚禮，他說：「婚禮係明年四月，依家要搞好音樂會為先，交晒畀太太話事。而糖妹則說：「我公私分明，拍拖雖然唔會影響到工作，不過都係放佢埋一邊先啦。」
文：影視組