文詠珊暗寸有人作料

「黎明愛將」文詠珊（JM）昨日出席I.T旗下品牌活動，她表示首次推出自家設計的作品：「其實我未入行時希望係做設計師，亦都好鍾意買鞋，收入用嚟買晒鞋，一對成萬蚊，要搬大屋先放得晒啲鞋。」另外，談及早前有傳她陷入四角戀，指她周旋於Moiselle太子爺陳柏熹、前男友李冠峰及𡃁模劉瑋欣之間，她即向記者澄清與兩男現是朋友關係，還暗寸劉瑋欣借李冠峰造新聞：「我同佢（李冠峰）仲有聯絡，我話佢拍拖都唔話我知，佢話同我分開後冇拍過拖，識咗佢咁耐清楚佢為人唔會講大話，我覺得有人借佢造新聞。」問會否喜歡陳柏熹這類型男性，JM表示講求感覺：「我個人長情，（復合？）長情唔等於復合。」