江若琳照顧起居 薛凱琪訪尋名醫
阿澤患病令一眾圈中好友甚為擔心，江若琳（Elanne）前日甫得悉阿澤患病即搞笑謂要組團照顧其起居飲食：「我有班朋友佢都識嘅，佢哋各有所長，有個煮嘢食好叻，有個係髮型師可以幫佢洗頭，有個燙衫好叻，我就負責娛樂佢，同佢傾偈。」雖然Elanne與友人眾志成城，但阿澤以「怕病容太靚仔」為由拒絕好意，但Elanne仍不放棄：「我同佢講有咩需要或想食啲有營養嘅嘢，就打畀我哋。」
多次與阿澤成為電影拍檔的薛凱琪（Fiona）則替對方訪尋名醫，日call十數次噓寒問暖，令阿澤笑言接Fiona電話慘過病。Fiona說：「我本身做嘢有壓力辛苦得滯，一路睇緊個印度醫生，佢實行嘅係自然療法，啲藥無咁多化學成分。我問咗阿澤嘅病徵同食緊啲咩藥之後，再問醫生攞藥方，就搵個朋友幫佢喺香港開藥。印度醫生五月會嚟香港，我會帶阿澤去睇。」她又呼籲阿澤的粉絲及好友為他祈禱：「希望佢快啲好番，佢係一個大好人！」
