田蕊妮身在寧波憂心如焚

杜汶澤患上罕有病症，最擔心他的人莫過於老婆田蕊妮，但因田蕊妮正身在寧波拍劇，所以未能在阿澤身邊照顧，令她的擔心達至頂點！記者致電田蕊妮時，她明顯心情有點亂，不但對所有提問都慢半拍回應，聲音之中更難掩憂心之情，可見她擔心丈夫的程度：「真係好擔心佢！前日未知道發生咩事嘅時候，擔心到想即刻返香港，但佢叫我唔好，依家知道佢患咗呢個病，就擔心佢唔知幾時可以康復，同埋我最唔開心就係唔可以照顧佢。不過，佢反過嚟安慰我，搞笑咁話呢個病唔會影響個樣同個腦，所以好番依然會咁靚仔同醒目，又影咗一大堆佢買返屋企嘅食物，話自己會照顧到自己。唉，不過佢咁樣做，令我心情更加複雜。」