Victoria旋風式訪港，行程編排得相當緊密，但仍抽空接受本報專訪，大談時裝經。Victoria坦言來港感興奮，並大讚香港女士有潮流觸覺，打扮很時尚及有風格。提到去年她於British Fashion Awards獲得Designer Brand of the Year殊榮，會否怕大家對其品牌有更高期望？她笑謂：「我畀自己好大壓力，成日都想自己做得更好，一定會有人去批評我，不論係好定唔好，而將來嘅人對我嘅批評亦會愈嚟愈嚴厲。」
Victoria又稱之前沒想過自己的時裝品牌會獲得空前成功：「喺2008年嘅時候，我並冇期望過我嘅品牌會咁成功，雖然我有夢想過會成功。我熱愛時裝，對時裝充滿熱情，有一隊細但好嘅團隊，有今日嘅成績我真係覺得好自豪。（點平衡工作同家庭？）現今社會好多女性婚後或者做咗媽咪都會繼續工作，我同任何一個人都冇分別，分配好時間就得。」她強調付出不少努力，希望自己的設計可遍布全球。