祖兒碰釘取經豐富人生
容祖兒出席好友音樂人陳奐仁的新書分享會，被陳奐仁譽為公認的成功人士，祖兒亦言入行10多年，累積不少人生及「碰釘」經驗，日子總算沒白過，但自感心路歷程「烏呢媽叉」，寫書不是爭氣而是「嘥氣」，打算再過10年等自己夠「料」才出自傳。
昨日祖兒現身好友陳奐仁的新書記者會，陳奐仁稱「讀書多，唔代表一切」，他大讚祖兒正是「好早入行，但屬成功人士」的人辦，身旁的祖兒謙稱成功有很多種，雖自己讀書不算多，但早入娛樂圈，令她猶如入讀「社會大學」，她謂：「學到好多嘢，累積咗好多經驗，亦都撞過好多次板，呢啲係用錢都買唔到嘅嘢，我16歲入行，時間冇白白浪費。」問她可考慮讀書進修？她坦言有想過讀心理學，不過不想因學業而放棄事業。
等多10年揭曉情史
祖兒自感未夠人生閱歷，不想濫出自傳，有謂她可寫成長的心路歷程？她笑說：「烏呢媽叉喎，可以同大家傾偈，但好難出書。」那她可會倣效老闆楊受成的自傳取名「爭氣」？她又自貶說：「係『嘥氣』！出書要對讀者負責任，唔可以兒戲。」祖兒認為要再等10年，累積更多人生經驗，才是出書的最佳時候，問她可會在書中自爆情史？她賣關子說出書時自會揭曉，現尚未有「好消息」公布。
陳奐仁拍劇遲宣傳
至於早在3月已推出新書的陳奐仁，他解釋是為趕拍處境劇《結‧分＠謊情式》而延至今才宣傳，又否認因出書而影響拍攝進度，問他同劇演員商天娥有否曾遲到？他說：「佢同我拍時冇遲，（咁邊個最遲？）臨時演員，因為助導唔記得book。（有傳商天娥寸人？）佢講冷笑話，易令同事有誤會啫。」他自言不覺商天娥和滕麗名不和，反相處融洽，陳奐仁爆料：「佢兩個一齊同我整頭飾，好溫馨。」但商天娥和滕麗名在活動上拒合照，他就懷疑是宣傳橋。
文：音樂組