黃長發 中環睇舖有搞作
曾經與鞋王三奶李姿霆（Karen）有過一段情的黃長發，前日懶理舊愛被鞋王追討二千萬物業要頻頻上庭，風騷地和兄長黃長興及一名外籍朋友於中環睇舖，為事業新發展作準備。
前港男冠軍黃長發，曾經與鞋王三奶Karen譜出轟動情史，Karen曾直言因長發的出現而和鞋王分手，當年愛得高調的兩人至今卻各走各路，長發最近更和金髮新女友打得火熱，不時被拍得當街啜爆。
翻炒成為熱話
長發與Karen原本已告一段落的關係，最近卻因Karen被鞋王入稟追討四個合共二千萬的物業案開審，再度被翻炒成為話題。
長興酒後駕駛
不過長發懶理舊愛捲入官司，前日下午4時多和兄長黃長興、一名外籍友人及一名疑似地產經紀的女友人齊齊登上私家車，直往蘇豪區，四人一同下車，站在一間店舖外左右打量，不時指指點點，未幾他們移步到附近的酒吧飲酒，四人齊齊碰杯，似是慶祝選舖成功。
事業上似再有新搞作的長興顯得相當開心，大啖地飲了兩口冰凍啤酒，身邊女友人即警告他要做司機，不要喝太多，長發亦加入勸哥哥唔好飲。為做安全司機，四人無癮地飲了二十分鐘即走人，由長興負責開車送各人離開。
黃長興昨日於電話表示：「因為北角間餐廳上咗軌道，所以打算喺中環開分店，尋日都係第一次去揀舖。」至於提到細佬長發近況，他說：「細佬都好生性，佢仲專登同我去睇舖。」
文、攝：追蹤組