劉愷威床戰娜姐 楊冪費事睇
【呂詠雯海南島直擊】劉愷威與女友楊冪愛得高調，雖然有傳楊冪夜半敲謝霆鋒的房門，致傳出情變消息，但二人昨日以行動粉碎一切謠言。劉愷威在新片中將床戰周秀娜，楊冪對男友十分有信心，直言屆時不會監場。
劉愷威與楊冪及周秀娜昨日在海南島為電影《Hold住愛》進行拍攝，早前有傳楊冪移情謝霆鋒，二人特地以行動粉碎謠言，一對小情侶在接受訪問時，小鳥依人的楊冪多交由男友發言，期間更不時情深款款對望，羨煞旁人！
女友當紅是非多
昨日為劉愷威首日開工，便即要與楊冪拍攝分手戲，似乎與近期的緋聞「不謀而合」，信得過女友的他表示：「大家都知佢（楊冪）係當紅女明星，好易有啲莫名其妙嘅新聞！」聽到男友如此盛讚自己，楊冪不禁撒嬌地「嘿」了一聲，並深情望着對方，愷威續說：「我冇問過佢，如果要問，即係對自己冇信心。（暗湧？）真係冇，我哋連嗌交都少！（少見？）有時就算有1、2日Break我哋都會爭取時間見。（結婚對象？）依家拍拖嘅觀念唔係玩玩吓，（喺海南島求婚？）日日咁多通告，冇時間！（女友多人追？）擔心咩吖，我都好多人追o架！」而楊冪就笑說：「我們現在很好。」
尷尬做「小三」
在電影將會有「滾床單」戲份的劉愷威卻透露對手並非女友，而是性感女神周秀娜，楊冪笑言不會監場，劉愷威聞言竟說：「你嚟睇啦！」實行當眾耍花槍，愷威又向女友大派定心丸：「我有金剛不壞之身！」
與一對甜蜜小情侶開工的周秀娜則直言感到尷尬：「人哋一Pairo架嘛，我好似做咗『小三』咁，內心過意唔去。（同劉愷威有床戲？）係呀，有啲尷尬，（叫楊冪嚟探班？）唔使啦，我哋都係專業嘅演員。」對於男友陳偉成指要用她的人形攬枕，試跟別人身體接觸時的位置，她聞言即大開有味玩笑：「咁我要收錢啦，冇理由幫佢免費試位o架嘛，叫佢得閒洗吓個攬枕添呀！」