關心妍驚冇床位改生蛇B
歌手關心妍（Jade）前晚與老公楊長智恩愛出席Moiselle周年晚會，席間被太子爺陳柏熹（Harris）拉上台唱歌，更即場唱出《放生》，獲台下不少掌聲。
事後她說：「冇諗過唱歌，不過大家開心冇所謂，同佢哋好熟，我上次演唱會啲衫都係Harris幫我設計。」她又透露現忙於籌備新碟，而造人計劃要延遲，她說：「太多龍B，好驚醫院冇床位，同老公商量過，不如生蛇B，出完碟先全力造人。」
而今次晚會十分花心思，場內放了不少經改頭換面的電影海報，當中老闆陳欽杰及太太的「華麗夫鬥華麗妻」十分出色，而Harris的Mad hatter造型同樣矚目。