Baby做好演員 未想撈過界
Angelababy早前首次為金像獎頒獎禮擔任司儀，不過卻被網友批評表現未夠水準。雖然Baby自言自己表現OK，但似乎也給嚇怕了，表示主持界太多競爭、太多勁人，自己還是做回演員好了。
Angelababy前晚在時裝派對上以成熟妝容示人，問Baby為何如此濃妝，她說：「因為係夜晚嘅活動，所以想自己成熟啲，同日頭有啲唔同。可能之前見到舒淇太靚，想自己成熟番少少。」提到她早前在金像獎頒獎禮擔任司儀的表現，問她覺得如何，她說：「OK，好多朋友都話Good show。（但有網友話你成晚好似唔知喺度做乜？）我嗰晚就係要調節番大家嘅年齡，拉番低個年齡，呢個都係大會請我嚟嘅目的。」
內地拍攝古裝戲
至於男友黃曉明可有甚麼意見給她，她說：「呢個真係冇問。不過自己冇諗過做主持，因為太多競爭，太多勁人，我都係做番演員好啲。」她又透露下半年會於內地拍攝一部古裝電影，問她到時會否多些機會跟男友見面，她說：「話唔定佢喺香港做嘢呢，我唔知道，依家都係想工作先。」
羅愛欣七月出嫁
當晚出席嘉賓還有羅愛欣、何倍倩、胡敏珊、薛凱琪、鄭希怡、泳兒和黃智雯等。羅愛欣表示將於七月飛紐約擺喜酒，她說已揀了婚紗，而婚後不會在當地定居，因為不想交當地稅，而且老公也是香港人，只不過是在美國長大，兩人將會乘船到北歐度蜜月；至於生BB，她說：「順其自然，有就生，我都Ready生。」她謂之後亦會在香港補擺喜酒。
文：名人組