洪天明揼骨 周家蔚監場
陳茵媺與周家蔚昨出席護膚品牌店開幕活動，並應大會要求穿紫色tube dress示人，大騷事業線，談到護膚心得，問兩位「阿嫂」平時有否替另一半按摩時，茵媺說：「我鍾意去spa按摩，I'm Spa Queen，（有否幫陳豪按摩？）少啦，考慮吓先啦。」而家蔚則表示天明不太喜歡，她說：「我鍊兩吓，佢就叫停，其實佢唔想我攰，又話我唔夠力，有時我會請佢去按摩，（係咪要佢去指定店舖？）梗係啦，要有我監場。（技師要過五十歲？）都差唔多五十啦！因為佢哋都係非常專業中醫。」
此外，問茵媺陳豪日前生日點慶祝，她笑道：「唔話畀你哋知，sweet sweet甜到漏，（畀驚喜佢？）有呀！（有冇birthday kiss？）開心囉！sweet day，不過嗰日夜晚我都要開工，佢應該鍾意我份禮物。」