家強世榮「蒲頭」送祝福
黃貫中（Paul）前晚宣布雙喜臨門，Beyond隊友黃家強深夜在微博恭賀，昨日家強接受本報電話訪問時說：「我喺微博祝福咗佢，男人老狗唔使打電話。」兩人日前剛完成馬來西亞騷，家強坦言不知Paul和朱茵有ＢＢ，笑說：「佢鍾意講畀微博聽嘛，咪講畀微博聽，我要同佢報定名先，結婚一定要請我飲。」
明年是Beyond成立三十周年，據知很多主辦機構力斟他們搞紀念騷，惟因世榮不肯告吹，家強承認：「半年前同世榮傾過，但佢唔想，話有好多計劃、工作，其實我好想開，人生有幾多個三十年！我嘅生命來自Beyond。（係咪兄弟不和？）我個人同世榮冇嘢，亦唔覺Paul有嘢，不過唔識點講。」
去年葉世榮結婚沒有通知兩位隊友，玩失蹤的他昨日終在微博「蒲頭」送祝福：「真的替他們高興，祝福兩人永遠幸福快樂，寶寶健康聰明。」
而Paul表示收到家強的祝福，至於世榮不想搞紀念騷，Paul無奈說：「佢喺大陸多，我都搵唔到佢。」而製作人丘亞葵承認有跟家強傾過搞Beyond騷，但暫時未有進一步消息。