盈盈踩場 嘉樂驚逼婚
曾志偉前晚錄影錢嘉樂主持的節目，更帶同湯盈盈踩場，嘉樂笑言與女友同場「預咗被玩」，至於志偉亦「大享艷福」，與兩位身材勁爆的神獸天使同車飄移，更被兩女「揸住下面」。
前晚無綫遊戲節目《五覺大戰》錄影廠景最後一集，請來「獎門人」曾志偉任嘉賓，志偉更帶同主持錢嘉樂的女友湯盈盈到場，其他嘉賓包括鄧麗欣（Stephy）、謝天華、陳小春及鍾麗淇等。嘉樂直言「兩口子」同場預咗被玩：「之前周家蔚上嚟，我哋係咁玩洪天明，佢警告我小心啲，點知獎門人真係帶盈盈嚟，其他朋友都話我死硬！（怕志偉逼婚？）唔會咁衰啩？」志偉笑言情到濃時會爆料及整蠱盈盈樂樂。
錄影前，志偉與兩位神獸天使「騰騰雞」蔡慧欣及「講唔猿」白雲玩飄移Game，三人在車廂中玩得全身蛋糕，志偉說：「轉第一個圈我就質個蛋糕落白雲塊臉度，佢哋好乖，係咁揸住我下面……條褲呀！」合照時白雲大騷事業線又「彈彈吓」，志偉即抵死地嘩了幾聲。此外，嘉樂被指與《盛女愛作戰》參賽者Bonnie似樣，他亦笑言有兄妹相：「佢好似搵番失散大佬咁，不過佢係女仔，靚啲，金像獎當日都有人叫我Bonnie，我唔知咩事照應咗。」
Stephy等求婚
最近主攻內地的Stephy笑言再入電視城感覺陌生，問到是否快將結婚？她說：「結乜鬼呀！搵食呀！呢啲嘢唔係女仔話事。（你都想？）有呢個目標，但唔係依家。（同方力申有共識？）突如其來先浪漫。」似暗示小方要識做，又指求婚好緊要。另外，小春玩遊戲時不慎整傷額頭流血，其後貼上膠布繼續錄影。
文：影視組