小生命降臨，能否與家中寵物融洽相處，往往是初為人父母者關心的問題，而阿Ｐaul家中正飼養五頭藏獒和一頭金毛尋回犬。藝人李家鼎的兒子李泳豪在剛出生時，不幸地被家中飼養了多年的都柏文咬傷了頭部，需入院縫針，對於懷孕的朱茵應怎樣跟家中的狗隻相處，李家鼎提供經驗之談：「朱茵唔好同啲狗隔開，畀啲狗習慣小朋友嘅氣味，慢慢引導啲狗，小朋友出世之後，將佢啲衫褲畀隻狗聞吓，睇吓啲狗有咩反應先，如果咬爛晒就好危險喇！」