陳偉霆賀師兄：更型更man
阿Paul圈中人緣甚廣，擁有不少星級fans，身為他粉絲的官恩娜、RubberBand成員6號、拳會師弟陳偉霆均送上祝福。官恩娜說：「好開心，我都聽到朋友講佢哋宣布有咗BB，我立即上微博睇，佢哋張相影得好靚，我諗佢哋嘅BB一定遺傳到佢哋嘅演藝細胞，男仔就音樂才華洋溢，女仔就超靚女。」
RubberBand的6號則表示今天會見到全體成員，諗住大家一齊以樂隊名義傳訊息或打電話恭喜阿Paul。至於師弟陳偉霆說：「我梗係恭喜師兄啦，真係超級戥佢開心，佢喺我眼中係好man，依家有埋BB，有個家庭，佢就更加man，更加型。」
此外，草蜢的蔡一智表示與黃貫中相熟，計劃送一套自己設計的BB產品給二人。而曾與黃貫中合作無綫劇《淘氣雙子星》的李克勤，於微博以劇中名字祝賀阿Paul：「恭喜你，查星宙！」伍詠薇、吳雨霏及王晶等均留言祝福。