貝安琪貪男友靚仔默認同居
貝安琪（Ankie）前晚和男友拍拖出席心連心慈善晚宴，她透露男友與她一樣是中德混血兒，兩人經朋友介紹認識。Ankie說：「男朋友叫Wolfgang，大我兩年，依家喺香港住，做金融。我哋拍咗拖半年，已經見過雙方家長，媽咪話佢幾好。（你鍾意男友啲咩？）我鍾意佢靚仔，同埋成日引我笑。（係結婚對象？）睇吓點，佢冇嘢需要改，已經好好。」她謂男友則喜歡她廚藝了得，男友每天下午三點後食素，她說：「健康啲，同埋夜晚瞓覺冇咁大鼻鼾聲。」記者指她即是和男友同居，她亦沒有否認。
另外，同場的榮雪梅就帶同現年十三歲的囝囝榮家偉赴會，她表示囝囝在英國讀書，她想找老師幫囝囝惡補中文。她又透露之前在歐洲和意大利等地均有物業，可是一年也返不到當地一次，很浪費，所以已開始放盤出售，現時她只在上海和北京等地有物業。
