男女配角齊開齋 蘇杏璇入院 盧海鵬「爆粗」
第31屆香港電影金像獎最佳男、女配角分別落在盧海鵬和蘇杏璇身上。蘇杏璇憑電影《奪命金》撼低劉嘉玲、惠英紅、桂綸鎂和秦海璐首奪「最佳女配角」獎項，但她因病未能親身領獎，由同劇男主角劉青雲代領。蘇杏璇透過電話分享得獎感受，先後多謝醫護人員、家人、藝員訓練班同學甘國亮當年的幫助及鍾景輝的指點等，今次奪獎令她畢生難忘。身在醫院的蘇杏璇接受電話訪問時透露患上糖尿病已三個月，由農曆新年初三入院至今，住了兩個月醫院。不過她不願透露身在哪所醫院免病容曝光，但她強調快將康復出院。
從影40年的「搞笑鼻祖」盧海鵬首奪「最佳男配角」，他在台上也不忘發放笑彈：「冇咩講，捱咗咁多年都冇諗過攞獎，唔知係咪可憐我捱咗咁多年，正所謂盧海鵬試咪……估唔到捱咗咁多年攞個獎咁威！」志偉在廣告時段即拿鵬哥的經典粗口開玩笑說：「好多人唔知『盧海鵬試咪』點解，同佢合作過就知係『×你老母咩』，所以啲人唔敢叫佢試咪。」令全場即時哄堂。
