楊汀叮被激情床戲嚇窒唔敢「蒲」
Angelababy師妹、模特兒出身的楊汀叮，曾拍過不少廣告，不經不覺入行六年，踏入七年之癢的她，果然有癢，明言今年將會減少做模特兒工作，準備轉型拍戲。
曾客串拍攝電影《全城熱戀熱辣辣》，又做過《美女廚房》的她，逐漸對幕前演出生興趣：「近日諗緊自己嘅前途，發覺自己開始唔適合做model，一嚟唔夠高，二嚟愈來愈多新面孔，做咗六年，想有新磨練。」
早前機會終於來臨，有指《喜愛夜蒲》將會拍第二集，曾打她主意擔正做女主角，但最後她卻推掉。她承認說：「因為有好多激情床戲，睇完劇本，公司和屋企人都接受唔到，我好尊重屋企人嘅意見，佢哋一向好錫我，（失望？）係有少少，不過唔緊要啦，希望機會再嚟。（有傳苟芸慧接咗你的角色？）佢拍係好事，自己冇信心演到。」她說可以接受穿比堅尼，但不能接受太過翻雲覆雨的動作，她有信心用時間證明自己付出的努力和改變。