衞蘭師妹JW（圖右）前晚跟台灣歌手黃立行為台灣一時裝品牌任表演嘉賓，同場還有劉青雲、郭藹明夫婦、張孝全及穿開胸裝的天心，穿上低胸性感歌衫的JW笑言：「演出前唔敢食太多。」
完騷後JW跟工作人員去食烤肉醫肚，在英國求學的她有煮食照顧自己，她搞笑地搶做侍應的燒烤工作，親手為工作人員烤食物：「我喺英國都會自己整嘢食，不過喺香港媽咪就唔畀我入廚房，叫我將來搵個識煮食嘅男友就得啦。」思想傳統的她認為女人要識煮食，更有意將來報讀烹飪傍身！
