林保怡 宣萱 隨時歸隊

城電主席王維基自申請免費電視牌照後，即以創新挖角手法掀起電視風雲。昨日，城電成功以逾50億港元出售電訊業務，重點開拓多媒體事業，包括免費電視，如今王維基手握充裕銀彈，利誘藝人過檔必然再「加碼」！甚至盛傳二、三線小生如曾偉權的加盟價亦高達五萬港元一集，而城電再會招聘多700名製作員工及藝人。

馬浚偉着重誠意

宣萱昨日接受記者訪問時，直言對城電很有興趣：「我舊年有同王維基傾過，依家多咗咁多資金係好事。如果搵我再傾我好有興趣，不過做演員唔係淨係睇錢，都希望佢哋可以揼多啲錢做好嘅製作。」而馬浚偉直認去年已與王維基接觸，只是雙方未談及價錢，問到重量級銀彈能否打動加盟？他笑言酬勞不是重點：「都要睇誠意，我月中會去橫店開工，就算TVB搵我，都等我拍埋套劇先。」

至於曾被本報直擊與王維基面談的林保怡，則表示只要有好劇本，隨時可以合作：「呢件係好事，有足夠彈藥，即係有更多資源做大製作。」保怡亦強調價錢不是重點：「最重要劇本同製作，既然佢有充足資金，我寧願收少啲，將啲錢放喺製作度。」鄭嘉穎則直至截稿前未有回覆。

陳豪望提高質素

至於與無綫簽了長約的陳豪、黃宗澤及胡杏兒，齊聲表示電視台百花齊放是好事，陳豪以短訊回覆，稱希望透過良性競爭，令整個電視業質素提高。而黃宗澤則力撐無綫亦有大製作，例如《衝上雲霄2》。無綫外事部總監曾醒明則指無綫歡迎競爭：「我哋不斷投入資源加強製作，係為咗自己同自己競爭。」

文：影視組