周國豐再做老竇 興奮剪臍帶

周國豐的太太黃泳霖（Jenny）原定本月16日開刀，但前日突然作動入院誕下第二名公子，昨日Brandon接受電話訪問時，難掩喜悅心情：「心情好緊張，其實緊張咗一個星期，尋晚仲興奮到成晚瞓唔着。我有陪太太入產房，仲負責剪臍帶。（BB改咗名未？）改咗英文名，叫Alastair Iain Chau，中文名未改，會搵風水師傅改，但中間個字會用『禮』字，因為爸爸經常教我禮貌好重要。BB重8磅12安士，係肥B一名。」而他昨日帶大仔禮淳去探BB，並代BB送禮物給哥哥呢！

嫲嫲送利是

至於周啟邦太太透露昨日到了醫院探望孫仔，並指孫仔的面形及耳仔跟其先夫十分酷似，且已上香告知周啟邦再度添孫，問她送了甚麼禮物給孫仔？她說：「送咗利是，等佢鍾意買乜就買乜。（叫新抱再生？）未講到咁長遠。」她又指BB太肥，她想抱也抱不動呢！

郭詩慧產子

另外，莎莎太子女郭詩慧也在上月28日誕下兒子Jacob，重7磅10安士，她不忘在微博公布喜訊，社交界可謂喜事重重。

而日前產女的台星徐熙娣（小S）昨日在微博中大晒產後的素顏照，她稱已可下床走動，但傷口還是很痛，又指為回復妙齡女子的外表，她要好好坐月，少說話養氣。

文：名人組