周志文轉軚 認同CoCo拍拖
「巨聲幫」大孖周志文被指背着女友o靚模袁聖殷（CoCo）與無綫藝人馬賽搭上，但前日馬賽不但指不認識CoCo，周志文亦否認CoCo女友身份。昨日CoCo於微博發晦氣，指自己從不認識周志文與馬賽，更沒與過男方拍拖；她又狠指看電視時都分不清楚二人是誰，又「說反話」指講大話的只有她一個。
專注工作唔談情
記者昨致電身處上海的周志文，他忽然轉軚承認與CoCo拍過拖，他說：「我哋係拍過拖幾個月，但已過咗去嘞！之前大家有共識會專注工作，唔會刻意講感情。（佢唔守諾言？）我只可以話我會彼此尊重，遵守承諾。（有冇問過之前行蹤經常被洩係咪佢放料?）我唔會咁問，亦唔想再考究，其他你哋問番佢。」問到曾否與CoCo拍過親密照？他說：「普通男女拍拖嘅相都有影，呢個好正常，（怕唔怕之後啲相會洩露遭炒作新聞?）呢啲嘢我控制唔到，但我相信佢人格，而且私人事都唔應該公開。」
籲停止負面評論
另周志文昨早七時許還開心地上載「處男」騎馬照，豈料黃昏期間，卻先後上載「請停止負面評論」及「不要對任何一位造成傷害」的字句，情緒似乎down爆。至於馬賽昨接受查小欣電話訪問時坦言想拍拖，問若周志文追求她會怎樣時，馬賽故弄玄虛說：「呢個答唔到你，隨緣啦！」
文：影視組