周秀娜追魂Call阻男友曳曳

與Avis拍拖多年的娜姐向來佔盡上風，如今男友與同門師妹Mia竟當自己無到，娜姐自然躁爆！問娜姐是否經常打奪命追魂Call，Check住男友行蹤？她沒好氣謂：「唔聽話咪要成日Call住囉，費事佢Out of Sight，Out of Mind（日久情疏）啦！（一晚三個Call咁多？）你又知全部都係我？就算係都好正常啫！佢唔理我嘛，咪Call到佢理我為止囉。」對於Mia姣電Avis，娜姐更是激氣：「唔好提喇！佢哋密會又好，對劇本都好，我都懶得理。（逼Avis辭演？）逼到先得o架，咁大個人，唔通用槍指住佢呀？（同公司建議自己上陣？）我啲期爆晒，唔得閒。」