陳美詩送DIY男友冧足兩年
陳美詩昨出席復活節活動，與一班跳芭蕾舞的小朋友相見歡合照。母愛氾濫的她透露有朋友生了BB，契仔早前又為她炮製曲奇餅，令她對日後當人母的生活有所憧憬。
一向喜歡DIY的美詩即場示範復活蛋美勞，她表示求學時期藝術天分不差，所以經常得獎。美詩亦試過親手做聖誕吊飾贈予男友孫耀威：「佢好冧，個吊飾掛咗兩年都未除過落嚟，日日都好似聖誕節咁。」而男友亦試過親手製情人節卡送給她：「收到自己造嘅禮物會好開心，因為花錢買始終冇咁有心思。」她又透露有出版社找她出書，內容會涉及人性善惡，初定暑假書展面世。