Cammi自薦夠專一 玩謝李泳豪

藝人李泳豪昨日與父親李家鼎出席商場舉行的《藍星戰記Online》活動。大會安排o靚模胡心諾（Rainbow）、何綽菲（Alina）、謝芷蕙（Cammi）和陶嘉瑩（Elise）自我介紹由李泳豪挑選，結果四女聯手拿豪仔與楊思琦分手一事開玩笑，陶嘉瑩台上說：「我唔講大話仲單身。」何綽菲說：「我唔貪心、唔拜金、唔港女。」胡心諾表示：「我都好鍾意養寵物，當然會一齊養。」謝芷蕙又表示自己夠專一。

男司儀又問陶嘉瑩遇到「唔湯吳帥」這種人會點做，又指李泳豪飽歷風霜做事夠成熟。傷口慘被灑鹽的李泳豪台上無奈兼尷尬。

一眾o靚模在豪仔傷口灑鹽，幸災樂禍。

問李泳豪會否找女友先給父親過目，李家鼎笑言自己都未搵到。

思琦拒絕母女檔

幸好李泳豪表現大方表示不介意，並說：「無所謂搞氣氛啫，我依家個人好開心，唔諗以前嘅嘢。」他表示沒有留意楊思琦早前出席活動的新聞，又指二人的共同物已處理好，事件告一段落。問到日後找女友是否要專一，他說：「專一係緊要嘅，隨緣無得急。」他又指暫時不想與楊思琦出席同一活動，但若拍公司劇亦沒有辦法，她說：「同事見到都唔介意嘅，相信監製唔會為噱頭咁做。」同場謝芷蕙解釋只是「照稿讀」並已講得「無咁盡」。另外，李泳豪舊愛楊思琦回港急搵奶粉錢，據知亦有客戶斟她母女檔出席母親節活動，可惜楊思琦有見女兒回港後曾發燒兼「未打針」已婉拒。

文：影視組