近日來港拍攝電影《在一起》的柯震東，與房祖名在中環夜蒲至昨日凌晨三時許，不夠十二小時即折返中環為新戲開工，期間被女粉絲上載現場的合照，只見震東眼袋盡現一臉殘爆！
有份主演的黃宗澤（Bosco）與Angelababy昨日亦在中環雪廠街拍戲，拍攝Bosco駕駛林寶堅尼接載Baby的戲份。對於有指要封街拍攝，Bosco接受電話訪問說：「冇咁大陣仗，只係截車，呢場只係拍接載Baby嘅戲，現場唔亂，秩序OK，加上係公眾假期中環嘅人流亦較少。」他大讚辣跑「靚仔」：「未揸過咁靚嘅車！」而從粉絲上載的現場相片中，見Baby以長褸配短裙騷腿，十分嬌俏。