法拉恨有阿哥願望達半

被馬浚偉指性格太直率的陳法拉，對這位契哥亦讚不絕口，身為獨女的她，坦言曾經恨有一個哥哥，來港後遇上馬浚偉，她笑言願望「達成一半」：「當時我演《舞動全城》時仲係一名新人，佢覺得我呢個o靚妹欠啲乜嘢……都會提點我，特別喺做人處事上，好多事情佢教我要忍，遇到一啲狀況，唔可以一跳出嚟就係咁講，太直容易得罪咗人唔知。佢喺呢行人緣好、經驗多，我當然會聽佢意見，亦好多謝佢教我為人處事！我都有同媽咪講阿哥呢個人，之前《蒲松齡》宣傳，我媽咪嚟香港撐我場，都有見佢。我哋雖然冇正式上契，但大家個關係都keep得幾好，大家都真心交往，我知阿哥唔注重形式！」