周麗淇madam上身嚇退扒手

被男人捉手臂

從未曾踏足意大利、勇字行頭的她大嘆今次旅行夠刺激，不諳意大利文的兩人，更在佛羅倫斯膽粗粗連目的地都不清楚就衝上巴士，她說：「我諗住由總站去總站實冇事，順便感受吓當地文化，成十年冇搭過巴士喇！嗰度冇人識我，搭吓巴士、地鐵咁都幾好呀！」

但數到最驚險的是其中一晚在出名多扒手的羅馬的街頭，Niki被一名男人從後捉住她的手臂，她自言即時「女警上身」，她說：「嗰晚佢一捉實我隻手嗰陣，第一時間『哇』一聲大叫！唔知係咪啱啱拍完新劇《女警愛作戰》，好似madam上身！大叫到嚇走咗佢！」同行友人未及反應，該男子已經逃去無蹤。

欣賞街頭藝人

雖然Niki在當地遇上不快事，但出名熱情的意大利人亦展示出好客的一面，主動請Niki食飯。問到Niki在旅途中有無艷遇？她笑說︰「佢哋有請我哋飲酒、跳吓舞，都係傾吓偈啫！」她參觀當地的多個藝術館，途中遇上一名亞裔街頭藝人，他向Niki表示縱使在當地已成家立室，但歧視問題嚴重，一年賣出的畫寥寥可數，Niki聽到亦立即向他購下其中一幅作品。

文：專案組