諸葛掃20萬補品迎接BB
榮升薛太的諸葛紫岐（Marie），經歷小產之痛後，近日已收拾心情，積極調理身體，不但看中醫養身，更豪擲二十萬元買補品，實行落足本為生B作好準備。
新婚的諸葛紫岐昨日下午五時許現身中環一間藥材店，架上太陽眼鏡、身穿黑色上衣配長裙的她，與助手於店內四處揀選補品，不消數分鐘便選購了一種名為「長白山種抄蔘」的人參，價值三千七百五十元一両。
薛太生活富貴
Marie在店內指着不同的補品，不停向店員查詢煮食方法及功效，而店員亦非常耐心為她逐一解答。她同時亦選購了一大堆燕窩、花膠及湯包等補身食品，合共近二十萬！只見她二話不說便拿出信用卡付款，可見榮升薛太的她，生活非常富貴。及後Marie向女醫師求診，診斷約十分鐘便乘座駕離開，看來她已走出早前小產的陰霾，積極調理身體，為生B做好準備！
法拉唔怕競爭
此外，一向被傳與Marie不和的陳法拉，昨日出席活動時，被問到有報道指Marie得知她出唱片後，亦跟風出唱片一事，她說：「今日講自己嘢，唔方便講其他人。（如果一齊出，都係新人，怕唔怕有競爭？）樂壇有好多對手，都係良性競爭。」對於Marie暗示她並無送上結婚禮物，法拉只表示自己有送上禮物，但其他事不願再作回應。
對於法拉堅持有送新婚禮物，昨聯絡上Marie，她大方表示：「過去咗唔再講，最緊要大家開心。（你係咪準備出碟？）遲啲話你知。」
文：名人組