三太培育子女做總理

賭王三太陳婉珍進身新一屆東華三院董事局的第一副主席，昨日出席交代就職典禮時，穿黑色套裝褲及以一頭直髮Look示人，感覺年輕不少，心情愉快。對於下屆便擔任主席一職，三太直言感到緊張，問到會否叫子女一同入局做總理？她說：「都有咁嘅意思，但未實行，仲未同佢哋傾，希望抽到時間啦，（想子女喺自己投資公司學做生意？）自己投資咗20年，未有打算叫佢哋幫手，等佢哋識多啲嘢先，但不嬲都有同佢哋講，等佢哋知道點樣運作。（打本畀子女做生意？）呢啲要睇個性定唔定，未定性畀乜都冇意思，畀咗佢都唔知搞啲乜。」不過，三太未有直接回答子女當中，誰最具做生意的潛質，似乎以免互相比較。