Rosemary緊張愛郎嫁期未諗

【李惠儀澳門直擊】名模Rosemary、富商趙世曾、何紫綸和江欣慈（前名江希文）等，前晚出席《澳門銀河最新私人會所「紅伶」紅地毯開幕》，身穿超deep-v短裙的Rosemary，大騷豐滿上圍！原本匆匆入場拒絕受訪的她後來折返，並解釋：「因為男友入咗去，所以我要入去先交代一下。」她又透露最近剛推出了英文唱片，全亞洲有售。提到好友Cara G.結婚，她表示替對方開心，問到男友Jason可有向她求婚？她甜絲絲表示：「我哋未討論過呢個話題，亦冇規定自己幾多歲要嫁，（有冇受父母離婚影響而改變對婚姻睇法？）要搵合適嘅人，依家男友好amazing，對我好好，我覺得自己好幸運！」

Jason（資料圖片）	江欣慈謂現多在內地工作，對感情事則封嘴不談。	拖住女友到場的趙世曾，不忘大讚孫兒得意。

笑兒子式浩唔夠fit

而趙世曾則帶同女友出現，提及兒子趙式浩做未婚爸爸，問是否受他的不婚主義影響？他表示：「仔大仔世界，最緊要揀啱對象。（仔都生埋，仲揀錯？）想生仔係佢決定。（有冇湊孫？）工人隔日會帶佢過嚟，佢好得意，我幫佢改咗名，叫趙子勤，意思係勤力啲，事業上繼續發揚光大。（送乜畀佢？）樣樣都有，要乜有乜。」問到式浩身形比他胖？他即笑指兒子不肯減肥，28歲應該要fit一點。問到會否恨飲新抱荼？他就表示這方面要交由兒子自己揸主意。

何紫綸寸Jeana冇內涵

另外，何紫綸被問到知否舊愛張豪龍胞弟張柏文與o架模Jeana傳緋聞？她表示不清楚，問到對Jeana印象，她即暗寸對方沒內涵：「佢ＯＫ嘅，後生囉，但氣質同內涵可能要耐啲先有，說話技巧有待改善，（佢太寸？）太爆囉，唔係針對佢。（妒忌佢大胸？）係啦！但我崇尚自然。」而久未露面的江欣慈就透露現時多留在內地工作：「會幫美容院、樓盤嗰啲創作主題曲，每首收費都有接近六位數。」記者笑問她是否已婚？她表示結婚會通知大家，不肯再進一步透露感情事。文：名人組