樂樂盈盈翹手正名分

盈盈與樂樂昨早出席山頂慈善活動，以「情侶檔」姿態現身，隨即成為焦點。起初盈盈與男友保持距離，不肯「就範」翹手，反而樂樂則盡顯紳士風度謂：「佢怕醜，今日又唔係翹手日，但都尊重記者要求。（好少同『老婆』出活動？）唔係老婆、唔係未婚妻，只係女友，咁快叫到咁盡，我就慳番求婚嗰步嘞。（擺唔擺酒？）本來有諗，畀洪天明嚇一嚇，話好多人等住玩我哋，我會咁傻？（唔擺？）唔係，被玩都開心嘅，但佢（盈盈）應該諗吓平日對人做咗啲乜。」盈盈聞樂樂有意諗計求婚，即刻冧爆。

吳卓羲咪玩啦

至於一直強調事業為重的張馨予忽然在微博寫道：「我要結婚了﹗他是……」然後過多小時再更新寫上：「他是……愚人節！哈哈，節日快樂！」記者聯絡上緋聞男友吳卓羲，他氣定神閒說：「我冇睇佢微博，愚人節唔好拉我落水！大家唔好玩我啦，今朝已經畀人玩咗幾次，一係打嚟唔出聲，一係打嚟話邊個邊個有事，總之都係愚人節開玩笑。」

A-Lin扮暈低

昨日愚人節還同場加插幾單笑料，蔡卓妍（阿Sa）前晚到北京攞「電影最受歡迎演員（港台）」獎，大會卻擺烏龍搞錯頒獎次序，阿Sa趕不及上台，惟有臨場搵工作人員代領，白行一趟的阿Sa在微博自嘲：「我今年的愚人節提前了幾個小時。」台灣歌手A-Lin現身香港搞簽唱會，鬼馬扮暈整蠱fans笑說：「愚人節快樂！」。而鍾鎮濤女兒嘉晴則在facebook用英文留言指媽咪（范姜）大肚，搞到好多朋友留言恭喜，阿B抵死謂：「幸好你（嘉晴）沒說是你自己，要不然我會心臟病發！」

文：影視組