吳卓羲唔敢高攀 杜汶澤自愧不如
吳卓羲與江若琳因劇集《學警狙擊》結緣，阿Ron更曾擔任Elanne的心理輔導員：「佢嗰時好煩惱，又畀狗仔隊跟，所以心情唔好，我入行話晒耐過佢，咪以一個前輩身份安慰佢囉！佢又信得我過唔會將啲秘密周圍講，所以都會同我傾訴，佢係一個樂觀嘅女仔，好快就過渡咗。」雖然盛讚Elanne，但Ron卻笑言不敢追求：「點敢高攀呀？佢咁靚女又係萬千少男鍾意嘅對象，我諗都冇諗過！」
而曾與江若琳合作電影《同門》和《高舉．愛》的杜汶澤，則大讚江若琳勤力、努力和用功：「佢放好多心機喺電影度，佢為咗《高》片增肥配合角色，拍攝時又畀啞呤壓親又唔同人講，怕影響到他人，睇得出佢為電影會付出好多，唔似有啲女星拍電影只係為咗宣傳和出名。」不過當被問及若自己還未結婚，會否追求江若琳時？阿澤笑謂：「梗係會，但我會自愧不如。」