JM首次撞車即遇惡人
「黎明愛將」Janice Man（文詠珊）昨日出席活動，透露來會場前不幸撞車，在家樓下出車時被七人車突然撞向她的車，首次遇撞車，幸有驚無險，她說：「司機嗰邊嘅車頭花晒，而當時我成個人向前舂，好彩冇受傷，只撞親個額頭。」她表示因要趕做騷而mark低對方身份證同電話號碼作日後商討賠償，她說：「當時對方好惡，我call的士又冇，最後唔想遲到而原車走。」她還表示稍後會給Leon（黎明）短訊，講述撞車一事。
對於同場蔡恩真行騷時跣親趴倒台上，她表示雖未試過在台上趴低，但有更激的經歷：「試過條裙啲鈕扣爛咗，行行吓成條裙帶斷咗而走光。（有冇露點？）冇，因為有nude bra，不過成半邊露晒都唔好。」續說：「模特兒仆親、走光同胃痛都會試過，我都試過為演繹一條窄身裙而全日冇食嘢，因為我唔容許有個肚腩，最後搞到胃痛。」