陳敏之新式懲罰感化拐子佬

早前拐子佬新聞令人聞風喪膽，作為父母的更擔心子女成為目標，眾星今周討論如何懲罰拐子佬，陳敏之、楊洛婷、羽翹、范姜異口同聲要以彼之道還施彼身，罰他們服侍小朋友！杜如風的另類懲罰則令人笑破肚皮。

陳敏之：「要罰佢哋去託兒所照顧小朋友十年，幫小朋友換尿片、餵食飯、陪佢哋玩，佢哋拐帶小朋友咁殘忍，一定係好唔鍾意小朋友！喺託兒所做完十年之後，佢哋就會有所改觀，發現小朋友係好可愛。」

楊洛婷：「要將佢哋拐咗小朋友之後，對小朋友做嘅事，做番喺佢哋身上，等佢哋明白佢哋對其他人係做咗幾咁殘酷嘅事，實行以其人之道還治其人之身，咁樣佢哋先會感同身受。」

羽翹：「當然要坐監！但唔夠，仲要佢去託兒所湊下細路，等佢感受吓照顧小朋友係幾辛苦，感受作為『父母』的心情。」

林莉：「法律制裁唔少得，仲應該要打藤，打100下！」

汪詩詩：「我覺得呢啲人一定要好好懲罰，畀所有人知道佢係邊個，公開佢嘅身份，等大家認住佢！我仲要罰佢喺微博關注我，每日都要寫啲嘢讚我，咁就會有人跟住佢、對付佢，佢會好唔得閒囉！」

何志恩：「呢個係一個社會問題，佢哋咁做一定有原因，我認為佢哋要接受心理輔導。」

范姜：「我覺得要佢哋坐監，唔好放番佢哋出嚟害人，仲要對佢哋做番佢哋對小朋友做過嘅嘢。」

倪晨曦：「拐子佬好唔應該，應該要接受法律制裁，等佢哋對所做嘅錯事有所反省。」

杜如風：「拐咗我就係最好嘅懲罰，因為我好鍾意買嘢，一定買到佢破產！」

陳敏之新式懲罰 感化拐子佬