黃宇詩罩得住 進軍樓上舖
已故音樂人黃霑的女兒黃宇詩（Chrissie），看準本地內衣市場，希望憑個人設計意念加入賣Bra戰團，以六位數字投資金額開設網上購Bra這門生意，首兩個月反應理想，每月約有五位數字生意額，壯大了她一年內在銅鑼灣開樓上舖的雄心。
日前，身為老闆娘的Chrissie與拍檔忙為客人出貨，見她放下身段，包裝、車嘜頭都親力親為，而其HandWrite嘜頭都是個人設計，當中「me Me & ME」原來取其諧音「咪咪」意思，顧名思義屬於她設計的胸圍。
Chrissie說因本地出品未合她size和口味，外國貨又太貴，故自設品牌，以相宜價格作招徠，目標對象是身材細size而愛自然的女生。她說：「過往喺香港見到嘅Bra，設計太集中谷胸，而我又鍾意自然，所以自己構思設計，基本上我係一腳踢，為咗做準備，早前已跟師傅學裁剪、又學設計，目前仍繼續進修，一件Bra係由零開始到完成，對我嚟講好有成功感，（自己做代言？）我又冇劉嘉玲咁好身材，真係接受唔到！但我嘅自信可以話來自創業嘅成功感。」
攝影：謝國華