糖妹長期落簾避偷拍
糖兄妹、組合HotCha、洪卓立昨日一同出席《2012選民新力軍齊起動》活動，作為選民登記大使的黃山怡（糖妹）笑言：「唔知將來被人偷拍，可唔可以向區議員投訴呢？（驚被偷拍？）大家都知我住邊啦，不過我屋企就長期拉窗簾，因為樓同樓之間對住又有新樓，都會驚換衫沖涼畀人睇到，同埋怕睇到唔想見到嘅嘢。」糖兄則坦言自己不怕被偷拍，但家裏也會用深色窗簾，是因為白天睡覺時怕日曬。
同場的洪卓立自爆日前險墮電話騙局：「有個老男人喺內地打畀我，問我知唔知佢係邊個？我初頭仲喺度估，以為係邊個親戚。後來踢爆佢講大話，反問佢係咪要錢？對方就即刻Cut線。」
Winkie爆壓力瘡
另組合HotCha表示與舊隊友Regen一直保持聯絡，於澳洲農場工作的她至少一年後才能返港。HotCha還透露Regen因農藥導致皮膚敏感，令兩人心痛，但看到Regen寄回來的照片又替她感到高興。Crystal說：「見佢曬黑又瘦咗，狀態好好。好似見番啱啱出道嘅Regen，真係替佢開心。」Winkie笑言自己也很想請長假去國外體驗生活，還自爆最近因出碟壓力大致內分泌失調狂爆瘡。
文：音樂組