Rainbow率胸軍 打寫真戰
o靚模組合冬甩的大師姐Rainbow，今年原想單飛拍寫真，但因籤文建議她跟隊友齊心抗敵而放棄，更谷胸迎戰，至於身材強勁的隊員Alina有意以「妄攝」為概念，盡情釋放E Cup導彈，大玩撕衫誘惑。
o靚模組合冬甩的成員雖然年年都不同，但每年都例出寫真，風雨不改，今年更斥資二十多萬往馬來西亞取景，暫定會參戰的成員包括胡心諾（Rainbow）、曾寶玲（Ar Yu）、「E Cup官恩娜」何綽菲（Alina）、陳芷敏（Elke）及秘密武器、「翻版Baby」陶嘉瑩（Elise）。已連續第四年出寫真的大師姐Rainbow原本諗住單飛，但日前她求籤時，籤文建議她要跟隊友齊心抵抗外敵，最終她還是選擇跟隊友並肩作戰，等宅男可以年年有冬甩食！
Elise貌似Baby
日前眾女來個寫真熱身賽，試了多個不同的性感造型，當中以身材最火辣的Alina一輯「妄攝」照最為吸睛，讀者只要撕開部分衣服就令內衣褲無所遁形！向來以34E咪咪引以為傲的Alina寸爆地說：「我身材咁好撕咗先有嘢睇，有啲o靚模身材平平無奇，真係撕同唔撕都冇乜分別！」疑似對號入座、只有32B的Rainbow即時為自己來個大平反，以一襲橙色內衣褲示人，在她努力谷胸下，終由B升呢做C，大可跟Alina決一高下！而貌似潮模Angelababy的Elise只有十七歲，應該不會行性感，她的三七面跟Baby最為相似，連隊友見過她真人後都嘖嘖稱奇！
文：專案組