郭羨妮唔戒口偷食雪糕

郭羨妮（Sonija）、姚嘉妮及鄭則士（Ken哥）等昨日為新劇《盛世仁傑》宣傳，兩位準媽媽獲公司厚待，全程被安排坐於椅子上休息，兩人當然不放過機會交流懷孕心得。已懷孕7個月的Sonija竟踏上兩吋高踭鞋，比懷孕少1個月的嘉嘉貪靚。

穿高踭鞋的郭羨妮由鄭則士拖實進場。

懷孕六個月的姚嘉妮起身時小心翼翼。

懶理屋企人阻止

肚皮未有如嘉嘉般脹大的Sonija透露胎兒有點瘦削：「我成日覺得自己好肥，因為肥咗30幾磅。前幾日產檢時，醫生話BB肚仔有啲瘦，叫我食多啲營養奶粉，咁我又想BB苗條，又接受唔到自己肥。」她又指目前胃口沒變，未有特別戒口，依舊進食生冷食物，就連雪糕也照食可也。問為何家人沒有阻止？Sonija笑說：「因為老公同媽咪都禁唔住我，我咪匿入廚房食囉！不過我依家都冇食魚生，醫生話好危險。」

籲思琦找人傾訴

提到無綫高層樂易玲指楊思琦疑產後抑鬱，Sonija呼籲大眾給對方多點空間。她自言情緒開心，很期待小生命出世。嘉嘉則指單親媽媽壓力很大，建議思琦多找朋友傾訴：「對住個咁得意BB，應該諗多啲好方面嘅嘢。」

另外，Ken哥對《盛》劇3年後才播出處之泰然，問到是否受公司政治因素影響？他說：「唔知，同期有另一部古裝，畀咗個大監製睇完之後，就拍咗部宮廷鬥爭戲，所以套劇等到今年先出！」

文：影視組