傅穎聞羅仲謙驚青跌咪
羅仲謙新歡舊愛昨日齊集會展舉行的《香港國際影視展》，舊愛傅穎聞得謙仔名字即緊張跌咪，但大讚他與楊怡合襯。她又風騷自爆最近獲很多男士力追，實行不讓謙仔專美。
久未露面的傅穎、陳小春、趙碩之及李蘢怡昨日到會展出席娛樂公司的記者會。傅穎坦言知悉舊愛謙仔與楊怡傳拍拖，更大讚二人合襯：「都係靚仔靚女。」自稱與謙仔久未聯絡的她此時更緊張跌咪：「唔係緊張，只係鈎到件珠片衫啫！」
小春造人腳仔軟
提到楊怡在另一攤位宣傳，傅穎強調不會踩場：「唔會諗住去見佢，都唔識。雖然以前有睇過佢啲劇，但最近嗰套就唔得閒睇。」問到對楊怡有何忠告？曾與謙仔不歡而散的她說：「人哋嘅嘢順其自然，冇忠告。（公司叫你收聲？）唔係，人要向前看，過去式就無謂提。」雖然聲稱不急於拍拖，但她自爆獲很多男士追求：「真係好開心！」
提到同片拍檔小春傳被「小三」介入婚姻，傅穎否認是第三者：「女仔嘅名節好緊要，畀人屈都幾無辜。」小春則說：「冇認有小三，只得大婆！我同嗰個人見過一次面，交換咗微信後就不停收到短訊，但太太警告後已冇行動。」問到何時生B？他自言努力中：「腳都軟埋喇！」
文：影視組