楊思琦嗌苦返港搵奶粉錢
無綫高層樂易玲昨率領ＴＶＢ眾藝員「晒冷」出席影視展宣傳活動，期間談到有指楊思琦向她求救一事，樂易玲承認確有跟思琦談及工作問題，但否認思琦求救：「我同思琦不時保持聯絡，佢有同我商量好唔好帶埋ＢＢ返來，始終餵過人奶都唔會捨得擺低，佢想早啲返嚟開工，獨力養ＢＢ負擔都好大。」樂易玲正替思琦接洽４月份的工作，不知思琦何時返港：「佢覺得自己處境辛苦，都講到聲震震，我同佢講最難過日子都過咗，有乜嘢返嚟後可以一齊解決。（佢係單親家庭，會唔會畀多啲機會？）盡量啦，公司都有好幾個係單親，盡量唔使佢哋擔心。」
另外，昨有傳思琦跟李泳豪一起時有愛冇性，與吳帥則有性冇愛，對此，記者SMS給思琦，她沒有回覆，豪仔則說不回應。
而亞視方面昨日由高層率陳啟泰、呂晶晶、應屆亞姐馮雪冰、王家敏和高志森等出席影視展宣傳新劇《親密損友》、《高志森微博》和《撻著》，同場更慶祝亞視55周年，晒冷陣容雖不及無綫，呂晶晶仍力撐自己台有特色。