祖兒辛酸天后路搬上銀幕
樂壇天后容祖兒為杜汶澤監製的新片落力演出，並將自己在娛樂圈中的辛酸搬上銀幕。阿澤開腔大讚祖兒為電影的付出，指她算是噓聲中長大，現貴為天后級人馬，得來不易。
祖兒、阿澤和英皇小生陳家樂昨日出席「香港影視博覽」內的英皇電影展館，為英皇電影《DIVA》宣傳。身為電影監製及演員的阿澤，指影片是描述天王巨星辛酸史之作，他說：「開拍前我同祖兒傾咗有關佢嘅事業同感情事好耐，講到某啲部分佢仲喊咗出嚟。（提到同陳方藤最sad？）呢啲係私隱，我唔要淪為冇口德嘅監製！」
噓聲中成長
阿澤指祖兒算是在噓聲中長大的女歌手，很適合做片中的角色，他說：「唔通拍喺皇宮長大嘅小公主會好睇咩？佢到依家企得住，仲做咗得到香港最多女歌手獎嘅天后，證明噓聲都可以好健康。」
祖兒則透露已買下價值五位數字的復古頸鏈，以備日後有機會踏上影展紅地氈之用。問祖兒是否希望角逐獎項？她謙虛的說：「今次係有進步，但未致於有提名，事實上自己要求好高，可以再有進步空間。」
等Eason合作
祖兒又說早前在春茗遇到導演阮世生，對方有提及過開拍電影《神經俠侶》續集，是否與陳奕迅（Eason）再合作？祖兒笑說：「唔知Eason有冇期。（搵林峯？）唔係呀！我諗住原班人馬喎。（有新鮮感。）咁做警察佢都OK嘅。」另外，陳家樂因拍電影而與林欣彤傳出緋聞，問二人有否發展機會？他說：「將來可能有，傳吓咪當宣傳。」
文：影視組