周倩圯瞄準童裝市場
模特兒周倩圯近年甚少露面，除了因為中西合璧調理身體外，並密謀從商，學做商界女強人！
周倩圯認為模特兒行業朝不保夕，故有意在商界發展，笑言做個美貌與智慧並重的生意人，計劃自資開設童裝店：「我好鍾意小朋友，身邊朋友做咗媽咪後都好捨得花錢為小朋友置裝。我已經儲夠錢，隨時可以開舖做老闆，但要有周詳計劃，始終係血汗錢，唔可以亂博，因為我博唔起！」那何不找個好歸宿，讓丈夫打本做生意？她笑言：「好男人難求，如果遇到我唔介意閃婚。其實近年我突然想生BB，如果過多幾年都嫁唔出，會嘗試人工受孕，（單親家庭長大？）我家族咁大，大把人爭住湊，唔怕冇溫情。」
髮型：Deil Siu（銅鑼灣Hair）
服裝：Loewe