陳法拉學媽咪做廚神

化妝品活動：陳法拉

由細到大屋企都冇請工人，係媽咪一手一腳湊大我嘅。以前夜晚食飯要幫媽咪手，依家識煮嘢，都係嗰時偷師媽咪嘅真傳咋！

莊思敏	吳千語	岑潔儀

莊思敏 細心照顧

細時喺吉隆坡住有個中國工人，佢照顧我哋起居飲食外，仲好關心我哋，好似細佬鍾意睇卡通片，佢就餵佢食飯，等細佬邊睇邊食，無微不至。後尾我返咗香港住，都有過去探佢，不過佢因為癌病已經過咗身。

何倍倩	貝安琪	陳嘉桓

婚紗展：吳千語 多個家人

我由細到大都有工人，由工人湊大我，都十幾年，我哋感情好似家人咁，我細個時佢會攞自己嘅人工買禮物氹我，當我女咁好。

陳柏熹	張燊悅	黃泳霖

岑潔儀 鐘點長輩

屋企個鐘點係新移民，佢好似長輩咁，過年會畀利是我。好似我之前出門結婚，佢幫手照顧我兩隻狗仔，佢好似我好close嘅朋友咁！

Dorian春夏系列時裝匯演：何倍倩 涼茶入罐

以前屋企有菲傭同中國工人，菲傭成日煮公仔麵畀我食，食到我好熱氣，但個中國工人好錫我，知我熱氣就煲夏枯草畀我飲，仲倒落個汽水罐入面氹我飲。

貝安琪 廚神婆婆

細個時婆婆雖然有工人，但佢唔畀其他人湊我，堅持自己湊我，成日帶我去睇雞仔鴨仔，同埋又會煮好多好味嘅食物畀我食，總之婆婆最錫我。

陳嘉桓 太婆雞翼

我會諗起照顧我嘅太婆，因為我細個唔鍾意食肉，太婆特登炸啲香口雞翼畀我食，佢已經過咗身，好難食番呢種味道嘅雞翼。

新界崇德社晚宴：陳柏熹 要Lynn簽名

我屋企個工人由我五歲用到依家，佢好錫我，細時佢為咗湊我唔放假，好偉大！最近佢要去美國結婚，問佢想要乜嘢結婚禮物，佢竟然話要熊黛林（Lynn）個簽名，我咪攞咗畀佢囉！

Ginger Bread活動：張燊悅 公公伺候

我曾經去咗加拿大讀書，屋企人唔喺身邊，公公特登嚟陪我住，日日照顧我起居飲食，又包雲吞又煲湯畀我食，好感動。

黃泳霖 婆婆養育

細個父母要返工，一直係婆婆湊我。婆婆好照顧我，又煮嘢食又買糖畀我食，佢去邊就帶我去邊，佢過身時我同妹妹喊得最犀利。