廖碧兒內地拍劇唔敢外出
廖碧兒今日將到東莞拍內地劇《盛宴》，她稱會在當地逗留一段時間。原本已經不常單獨外出的她，得悉許亦妮媽媽在當地遇劫一事後，除表關心外，更稱不敢外出：「我最近腸胃唔好，都唔多會出街食嘢，雖然有助手陪我，除非買日用必需品會一齊出去外，其餘時間我估都唔出去，安全啲好。」
其實之前亦試過有藝人到內地工作而發生意外，梁漢文前年到恩平登台時遇上毆鬥事件，舞台前的觀眾因推撞而釀成打鬥，雖然梁漢文沒被襲擊，但已有工作人員即時帶他離開現場。另外，鍾嘉欣和楊思琦於05年往番禺拍劇集《人生馬戲團》時，傳出兩女和台前幕後去夜店消遣時遭禁錮，其後流傳多個版本，當中包括楊思琦被指返酒店時衣衫不整，但她予以否認。